రీమేకే అయినా వీలైనంత కొత్త‌గా...
- IndiaGlitz, [Monday,December 03 2018]
తెలుగులో ఎన్టీఆర్ న‌టించిన 'టెంప‌ర్' చిత్రాన్ని హిందీలో 'సింబా' పేరుతో రీమేక్ చేస్తున్న సంగ‌తి తెలిసిందే. ర‌ణ‌వీర్ సింగ్ హీరోగా న‌టిస్తున్న ఈ చిత్రంలో సారా ఆలీఖాన్ హీరోయిన్‌గా న‌టించింది. ఈ సినిమా ట్రైల‌ర్ విడుద‌లైంది.
ఈ సినిమా మెయిన్ కాన్సెప్ట్ రేప్ చేసి చంపేయ‌బడ్డ ఓ అమ్మాయి కోసం అవినీతిప‌రుడైన పోలీస్ నిజాయ‌తీగా ఎలా మారాడ‌నేదే. ఇదే కాన్సెప్ట్‌తో ఈ సినిమాను తెర‌కెక్కించినా ద‌ర్శ‌కుడు రోహిత్ శెట్టి త‌న‌దైన శైలిలో కొత్త‌ద‌నాన్ని ఆపాదించే ప్ర‌య‌త్నం చేశాడు. సినిమా అజ‌య్ దేవ‌గ‌ణ్ 'సింగం' కోణంలో ఓపెన్ అవుతుంది.
క్లైమాక్స్ ఫైట్ కూడా అజ‌య్ దేవ‌గ‌ణ్‌పైనే చిత్రీక‌రించ‌డం కొస‌మెరుపు. ట్రైల‌ర్ చూస్తుంటే 'టెంప‌ర్' సినిమాను 80 శాతం మాత్ర‌మే రీమేక్ చేసిన‌ట్లు క‌న‌ప‌డుతుంది. మిగ‌తాదంతా రోహిత్ త‌న‌దైన స్టైల్‌లో మార్పులు చేర్పులు చేసిన‌ట్లుంది.