ఎన్టీఆర్ టెంప‌ర్ మూవీకి మూడు అవార్డులు..
- IndiaGlitz, [Monday,June 13 2016]
యంగ్ టైగ‌ర్ ఎన్టీఆర్ - డేరింగ్ & డాషింగ్ డైరెక్ట‌ర్ పూరి జ‌గ‌న్నాథ్ కాంబినేష‌న్లో రూపొందిన చిత్రం టెంప‌ర్. ఘ‌న విజ‌యం సాధించిన టెంప‌ర్ చిత్రం హీరో ఎన్టీఆర్, డైరెక్ట‌ర్ పూరి జ‌గ‌న్నాథ్ ఇద్ద‌రికీ మంచి పేరు తీసుకువ‌చ్చింది.
ఇక అస‌లు విష‌యానికి వ‌స్తే... మా టీవి ప్ర‌తి సంవ‌త్స‌రం ఇచ్చే సినిమా అవార్డ్స్ వేడుక‌లో టెంప‌ర్ చిత్రంలో న‌ట‌న‌కు గాను ఎన్టీఆర్ కి ఉత్త‌మ న‌టుడుగా అవార్డ్ ప్ర‌దానం చేసింది. మెగాస్టార్ చిరంజీవి, కింగ్ నాగార్జున చేతుల మీదుగా ఎన్టీఆర్ ఈ అవార్డ్ అందుకున్నారు. టెంప‌ర్ చిత్రం మ‌రో రెండు అవార్డులును కూడా సొంతం చేసుకుంది. బెస్ట్ డైలాగ్ రైట‌ర్ గా పూరి జ‌గ‌న్నాథ్, స‌పోర్టింగ్ ఏక్ట‌ర్ గా పోసాని కృష్ణ‌ముర‌ళీకి కూడా అవార్డులు ప్ర‌దానం చేసారు. మొత్తం టెంప‌ర్ చిత్రం మూడు అవార్డులు ద‌క్కించుకోవ‌డం విశేషం.