வாய் தவறி பேசிவிட்டேன்.. ஆனால் நான் சொன்னது உண்மைதான்: சமந்தா குறித்து அமைச்சர் சுரேகா..!
- IndiaGlitz, [Thursday,October 03 2024]
சமந்தா விவாகரத்து குறித்து சர்ச்சைக்குரிய வகையில் பேசிய தெலுங்கானா அமைச்சர் சுரேகா முன்னாள் அமைச்சர் கேடிஆர் குறித்து நான் கூறியது உண்மைதான் என்றும் ஆனால் அதே நேரத்தில் சமந்தா குறித்து வாய் தவறி பேசி விட்டதாகவும் விளக்கம் அளித்துள்ளார்.
இதுகுறித்து அவர் மேலும் கூறியதாவது: கே டி ராமராவ் பற்றி நான் சொன்ன கருத்தில் எந்த மாற்றமும் இல்லை, அவரால் நான் நிறைய இன்னல்களை சந்தித்து இருக்கிறேன். அவரை குறித்து பேசும்போது சமந்தா விவாகரத்து குறித்து வாய் தவறி பேசி விட்டேன், அது குறித்து பலரும் பதிவிட்டு இருப்பதை பார்க்கும்போது மிகவும் வருத்தமாக இருக்கிறது. அதனால் நேற்றே அந்த கருத்திலிருந்து நான் பின்வாங்கி விட்டேன்.
ஆனால் அதே நேரத்தில் கேடி ராமராவுக்கு பெண்கள் மீது தரம் தாழ்ந்த பார்வை இருப்பது உண்மைதான். இதில் அவர் என்னை மன்னிப்பு கேட்க சொல்வது எனக்கு வியப்பாக உள்ளது’ என சமந்தா விவாகரத்து குறித்து சர்ச்சை கருத்து தெரிவித்த தெலுங்கானா அமைச்சர் சுரேகா விளக்கம் அளித்துள்ளார்