మళ్ళీ వార్తల్లోకి తెలుగు టు హిందీ రీమేక్.....
- IndiaGlitz, [Wednesday,October 05 2016]
రామ్‌చ‌ర‌ణ్, కాజ‌ల్ అగ‌ర్వాల్ జంట‌గా రాజ‌మౌళి ద‌ర్శ‌క‌త్వంలో వ‌చ్చిన మ‌గ‌ధీర ఎంత‌టి సెన్సేష‌న‌ల్ హిట్ సాధించిందో అంద‌రికీ తెలిసిందే. ఈ సినిమాను హిందీలో రీమేక్ చేయాల‌ని అప్పుడే చాలా ప్ర‌య‌త్నాలు జ‌రిగాయి. హృతిక్‌రోష‌న్‌, అమీర్‌ఖాన్ వంటి స్టార్ హీరోల‌తో రీమేక్ చేస్తార‌ని అప్ప‌ట్లోనే వార్త‌లు వ‌చ్చాయి..అలాగే స‌ద్దు మ‌ణిగిపోయాయి.
కానీ మళ్ళీ ఈ సినిమా బాలీవుడ్ రీమేక్ గురించి వార్త‌లు విన‌ప‌డుతున్నాయి. బాలీవుడ్‌లో షాహిద్ క‌పూర్‌, పూజా హెగ్డే హీరో హీరోయిన్లుగా మ‌గ‌ధీర చిత్రాన్ని రీమేక్ చేయ‌బోతున్న‌ట్లు సోష‌ల్ మీడియాలో వార్త‌లు హ‌ల్ చ‌ల్ చేస్తున్నాయి. ద‌ర్శ‌కుడు జాగ‌ర్ల‌మూడి క్రిష్ బాలీవుడ్ రీమేక్‌కు ద‌ర్శ‌క‌త్వం చేస్తాడ‌ని అంటున్నారు. అయితే ఇందులో నిజానిజాలు తెలియాలంటే కొంత కాలం ఆగాల్సిందే