తెలుగు క్వీన్ కూడా....
- IndiaGlitz, [Friday,January 20 2017]
బాలీవుడ్‌లో కంగ‌నా న‌టించిన క్వీన్ మూవీ ఎంత‌టి విజ‌యాన్ని సాధించిందో అందరికీ తెలిసిందే. ఇప్పుడు ఈ సినిమాను ద‌క్షిణాది భాష‌ల్లో రీమేక్ చేస్తున్నారు. ముందుగా త‌మిళం, క‌న్న‌డ భాష‌ల‌కు హీరోయిన్స్‌, డైరెక్ట‌ర్ అన్నీ కుదిరినా తెలుగు విష‌యంలో మాత్రం క్వీన్‌గా ఎవ‌రు న‌టిస్తారు, తెలుగు వెర్ష‌న్‌ను ఎవ‌రు డైరెక్ట్ చేస్తారోన‌ని మాత్రం పెండింగ్ ప‌డ్డాయి. కానీ చివ‌ర‌కు త‌మిళంలో క్వీన్‌గా న‌టించిన త‌మ‌న్నాయే తెలుగులో న‌టించ‌డానికి గ్రీన్ సిగ్న‌ల్ ఇచ్చింది. మ‌రో ఆస‌క్తిక‌ర‌మైన విష‌య‌మేమంటే తెలుగు వెర్ష‌న్‌ను క‌న్న‌డ న‌టుడు, ద‌ర్శ‌కుడైనా ర‌మేష్ అర‌వింద్ డైరెక్ట్ చేయ‌నున్నాడు. త్వ‌ర‌లోనే ఈ సినిమా ప‌ట్టాలెక్క‌నుంది. తెలుగులో ముందుగా ఈ సినిమాను అనీష్ కురివిల్లా డైరెక్ట్ చేస్తాడ‌ని వార్త‌లు వినిపించినా ఎట్ట‌కేల‌కు క్వీన్ క‌న్న‌డ వెర్ష‌న్‌ను డైరెక్ట్ చేస్తున్న ర‌మేష్ అర‌వింద్ చేతికి తెలుగు ప‌గ్గాలు కూడా ద‌క్క‌నున్నాయ‌నేది స‌మాచారం.