போதை பொருள் வைத்திருந்ததாக பிரபல தயாரிப்பாளர் கைது.. பிரபல நடிகைக்கு தொடர்பா?
- IndiaGlitz, [Friday,June 30 2023]
போதைப்பொருள் வைத்திருந்ததாக பிரபல தயாரிப்பாளர் கைது செய்யப்பட்ட நிலையில் இந்த விவகாரத்தில் பிரபல நடிகை ஒருவருக்கும் தொடர்பு இருப்பதாக கூறப்படுவது பரபரப்பை ஏற்படுத்தியுள்ளது.
தெலுங்கு திரையுலகின் முன்னணி தயாரிப்பாளர்களில் ஒருவரான கேபி சௌத்ரி என்பவரை போதைப்பொருள் வைத்திருந்ததாக போலீசார் கைது செய்தனர்
அவரது செல்போனை போலீசார் ஆய்வு செய்தபோது ஒரு சில நடிகைகளுடன் அவர் பலமுறை பேசியது கண்டுபிடிக்கப்பட்டது. அவர்களில் ஒருவர் பிரபல நடிகை அஷு ரெட்டி என கூறப்படுகிறது.
இந்த நிலையில் தனக்கும் போதைப்பொருள் விவகாரத்திற்கும் எந்தவிதமான சம்பந்தமும் இல்லை என அஷு ரெட்டி வீடியோ வெளியிட்டுள்ளார். அதேபோல் கேபி சௌத்ரியுடன் எனக்கு தொடர்பில்லை என்றும் அதுமட்டுமின்றி தனக்கு செல்போனில் போனில் மிரட்டல்கள் வருகின்றன என்றும், என்னுடைய செல்போனை பயன்படுத்த முடியாத நிலை ஏற்பட்டுள்ளது என்றும் தெரிவித்துள்ளார்.
மேலும் இந்த விவகாரத்தில் தன் மீது அவதூறு பரப்பியவர்கள் மீது மானநஷ்ட வழக்கு தொடர இருக்கிறேன்'' என்றும் அவர் கூறியுள்ளார்.