21 ఏళ్ల తర్వాత తెలుగు సినిమా..
- IndiaGlitz, [Tuesday,September 26 2017]
చెలి, స‌ఖి చిత్రాల్లో న‌టించిన మాధ‌వ‌న్ గురించి ప్ర‌త్యేక‌మైన ప‌రిచ‌యం అక్క‌ర్లేదు తెలుగు సినీ ప్రేక్ష‌కుల‌కు. ఈ విల‌క్ష‌ణ న‌టుడు 1996లో సినీ రంగ ప్ర‌వేశం చేశాడు. త‌మిళం, క‌న్న‌డం, మ‌ల‌యాళం, హిందీ, ఇంగ్లీష్ స‌హా ప‌లు చిత్రాల్లో న‌టించిన మాధ‌వ‌న్ తెలుగు సినిమాల్లో న‌టించే అవ‌కాశం మ‌న ద‌ర్శ‌క నిర్మాత‌లు ఇవ్వ‌లేదో లేక, మాధ‌వ‌న్ తెలుగు సినిమాల‌పై ఆస‌క్తి చూప‌లేదేమో కానీ ఇప్ప‌టి వ‌ర‌కు ఒక్క‌తెలుగు సినిమాలో కూడా న‌టించ‌లేదు.
ఎట్ట‌కేల‌కు 21 సంవ‌త్స‌రాలు తర్వాత మాధ‌వ‌న్ తెలుగు సినిమాల్లో ఎంట్రీ ఇస్తుండ‌టం విశేషం. ఇంత‌కు ఆ సినిమా మ‌రేదో కాదు, నాగ‌చైత‌న్య, చందు మొండేటి కాంబినేష‌న్‌లో రూపొందే స‌వ్య‌సాచి. ఈ సినిమాలో ఓ కీల‌క పాత్ర‌లో న‌టించాలంటూ ద‌ర్శ‌క నిర్మాత‌లు మాధ‌వ‌న్‌ను అప్రోచ్ అవుతున్నారంటా, చ‌ర్చ‌లు జ‌రుగుతున్నాయ‌ట. అన్నీ ఒకే అయితే స‌వ్య‌సాచిలో మాధ‌వ‌న్ న‌టిస్తాడు.