రీసెంట్‌గా రిలీజైన 'గీత గోవిందం' తో స్టార్ హీరోగా రేంజ్‌కు ఎదిగిన యువ క‌థానాయ‌కుడు విజ‌య్ దేవ‌ర‌కొండ‌.. ఇప్పుడు వ‌రుస సినిమాలు చేస్తున్నాడు. కెరీర్ ప్రారంభంలోనే తెలుగు, త‌మిళ భాష‌ల్లో రూపొందుతున్న 'నోటా' సినిమాలో న‌టిస్తున్నాడు విజ‌య్ దేవ‌రకొండ‌. మెహ‌రీన్ క‌థానాయిక‌గా న‌టిస్తున్న ఈ చిత్రాన్ని ఆనంద్ శంక‌ర్ ద‌ర్శ‌క‌త్వంలో జ్ఞాన‌వేల్ రాజా నిర్మిస్తున్నారు.

ప్ర‌స్తుతం సినిమా చిత్రీక‌ర‌ణ ద‌శ‌లో ఉంది. సెప్టెంబ‌ర్ నెల‌కంతా చిత్రీక‌ర‌ణ‌ను పూర్తి చేసి క్రిస్మ‌స్ సంద‌ర్భంగా సినిమాను విడుద‌ల చేయాల‌ని ప్లాన్ చేస్తున్నారు. ఆస‌క్తిక‌ర‌మైన విష‌య‌మేమంటే ఈ సినిమా కోసం త‌మిళం నేర్చుకున్న విజ‌య్ దేవ‌ర‌కొండ‌.. త‌మిళంలో డబ్బింగ్ కూడా చెప్ప‌బోతున్నాడ‌ట‌.

దీంతో త‌మిళ తంబీల‌కు మ‌రింత ద‌గ్గ‌ర కానున్నాడీ కుర్ర హీరో. విజ‌య్ దేవ‌ర‌కొండ రీసెంట్ మూవీ గీత గోవిందం 3.35 కోట్ల రూపాయ‌ల‌ను వ‌సూలు చేయ‌డం విశేషం.