తమిళ టీ.విలో వ్యాఖ్యాతగా తెలుగు హీరో...
- IndiaGlitz, [Wednesday,February 24 2016]
తమిళ టీ.వి లోవ్యాఖ్యాత‌గా తెలుగు హీరోనా..? ఎవ‌రా హీరో అనుకుంటున్నారా..? ద‌గ్గుబాటి రానా. లీడ‌ర్ సినిమాతో తెలుగు తెరకు పరిచయమైన రానా...ఆత‌ర్వాత సోలో హీరోగా కొన్ని సినిమాలు చేసినా ఆశించిన విజ‌యం ద‌క్క‌లేదు. అయితే బాహుబ‌లి సినిమాలో రానా భ‌ల్లాల‌దేవ పాత్ర‌తో టాలీవుడ్, బాలీవుడ్ లోనే కాకుండా హాలీవుడ్ లో సైతం పాపుల‌ర్ అయిపోయాడు.
ప్ర‌స్తుతం బాహుబ‌లి 2, ఘాజి చిత్రాల్లో న‌టిస్తున్న రానా తమిళ టీ.వి లో ప్రసారం అయ్యే ఓ ప్రొగ్రామ్ కి వ్యాఖ్యాత చేయ‌నుండ‌డం విశేషం. డిస్క‌వ‌రీ రియ‌ల్ హీరోస్ అనే ప్రొగ్రామ్ లో విప‌త్క‌ర ప‌రిస్థితుల్లో చిక్కుకున్న వారు ఎలా బ‌య‌ట‌ప‌డ్డార‌నేది చూపిస్తార‌ట. ఎంతో మంది స్పూర్తి క‌లిగించేలా ఈ ప్రొగ్రామ్ ని రూపొందించార‌ట. ఈ ప్రొగ్రామ్ మార్చి 1 నుంచి ప్రసారం కానుంది. అదీ సంగ‌తి.