டேவிட் வார்னருக்கு பிறந்த நாள் வாழ்த்து கூறிய பிரபல நடிகை.. செல்பி புகைப்படம் வைரல்..!
- IndiaGlitz, [Tuesday,October 29 2024]
பிரபல ஆஸ்திரேலிய கிரிக்கெட் வீரர் டேவிட் வார்னர் சமீபத்தில் தனது பிறந்த நாளை கொண்டாடிய நிலையில், அவருக்கு பிரபல நடிகை தனது இன்ஸ்டாகிராம் ஸ்டோரியில் பிறந்தநாள் வாழ்த்துக்களை தெரிவித்து, அவருடன் எடுத்த செல்பி புகைப்படத்தையும் பகிர்ந்துள்ளார். அந்த புகைப்படம் தற்போது இணையத்தில் வைரலாகி வருகிறது.
ஆஸ்திரேலியாவின் பிரபல கிரிக்கெட் வீரர் டேவிட் வார்னர், கிரிக்கெட் ரசிகர்களுக்கு மட்டுமின்றி சினிமா ரசிகர்களுக்கும் பரிச்சயம் என்பதும், குறிப்பாக தெலுங்கு சினிமா ரசிகர்கள் அவர் மீது வெறித்தனமான அன்பை செலுத்தி வருகின்றனர்.
’புஷ்பா’ உள்பட பல தெலுங்கு படங்களின் பாடல்களுக்கு ரீல்ஸ் வீடியோக்களை தனது இன்ஸ்டாவில் பதிவு செய்வதன் மூலம் டேவிட் வார்னர் பிரபலமானார் என்பதும், சில பாடல்களில் அவர் குடும்பத்துடன் ஆடும் அழகே தனி என்ற விமர்சனங்களும் வந்துள்ளன என்பது குறிப்பிடத்தக்கது.
இந்த நிலையில், நேற்று முன்தினம் தனது பிறந்த நாளை கொண்டாடிய டேவிட் வார்னருக்கு தெலுங்கு திரை உலக பிரபலங்களும் ரசிகர்களும் வாழ்த்துக்கள் தெரிவித்தனர். அதே வகையில் நடிகை ஸ்ரீலீலா தனது இன்ஸ்டாகிராம் பக்கத்தில் டேவிட் வார்னருடன் எடுத்த புகைப்படத்தை பகிர்ந்து, அவருக்கு தனது வாழ்த்துக்களை தெரிவித்துள்ளார். இந்த புகைப்படம் தற்போது இணையத்தில் வைரலாகி வருகிறது.