இளையதளபதி விஜய் நடிப்பில் ஏ.ஆர்.முருகதாஸ் இயக்கிய மாபெரும் வெற்றி படம் 'கத்தி'. இந்த படத்தின் ரிலீஸுக்கு முன்பும், ரிலீஸுக்கு பின்பும் பல்வேறு எதிர்ப்புகள் தோன்றியது. குறிப்பாக இந்த படம் ஒரு குறிப்பிட்ட அரசியல் கட்சியை தாக்கியதாகவும் செய்தி வந்தது. இந்நிலையில் இந்த படத்தின் தெலுங்கு ரீமேக்கில் அல்லு அர்ஜூ, பவன் கல்யாண் ஆகியோர்கள் நடிக்கவுள்ளனர் என்ற செய்தி அவ்வபோது வெளிவந்தது. சமீபத்தில் 'கத்தி' ரீமேக்கில் ஜூனியர் என்.டிஆர் நடிக்கவுள்ளதாகவும் செய்திகள் வெளிவந்தது.

ஆனால் இந்த தகவல் குறித்து ஜூனியர் என்.டி.ஆர் தரப்பு மறுப்பு தெரிவித்துள்ளது. ஜூனியர் என்.டி.ஆர் தற்போது நடித்து கொண்டிருக்கும் படம் தவிர வேறு எந்த புதுப்படத்திலும் நடிக்க ஒப்பந்தமாகவில்லை என்று உறுதிபட கூறியுள்ளது.

'கத்தி' படத்தின் ரீமேக் உரிமையை தாகூர் மது என்பவர் பெற்று பல மாதங்கள் ஆகியும் இந்த படத்தில் நடிக்கும் ஹீரோ இன்னும் முடிவாகவில்லை. அதற்கு காரணம் இந்த படத்தின் சப்ஜெக்ட்தான் என கூறப்படுகிறது. தெலுங்கு அரசியல்வாதிகள் மற்றும் பிரபல எம்.என்.சி நிறுவனங்களை எதிர்த்து நடிக்க டோலிவுட்டின் பெரிய நடிகர்கள் தயங்குவதாக கூறப்படுகிறது. விஜய்-ஏ.ஆர்.முருகதாஸுக்கு இருந்த துணிச்சல் எந்த நடிகருக்கு இருக்கின்றது என்பதை பொறுத்திருந்து பார்ப்போம்.