'வலிமை' படத்தின் வில்லனாகும் பிரபல தெலுங்கு நடிகர்!
- IndiaGlitz, [Wednesday,February 05 2020]
தல அஜித் நடிப்பில் ஹெ.வினோத் இயக்கத்தில் போனிகபூர் தயாரிப்பில் உருவாகி வரும் ’வலிமை’ திரைப்படத்தின் படப்பிடிப்பு விறுவிறுப்பாக நடைபெற்று வருகிறது. இந்தப் படத்தின் இரண்டுகட்ட படப்பிடிப்பு ஏற்கனவே முடிந்துவிட்ட நிலையில் மூன்றாம்கட்ட படப்பிடிப்பு மும்பையிலும் அதனை அடுத்து சுவிட்சர்லாந்து நாட்டிலும் நடைபெறும் என எதிர்பார்க்கப்படுகிறது
இந்த நிலையில் இந்த படத்தின் இரண்டு கட்ட படப்பிடிப்புகள் முடிவடைந்த பின்னரும் இந்த படத்தின் நாயகி மற்றும் வில்லன் யார்? என்பது குறித்த தகவல்கள் வெளிவரவில்லை. இந்தப்படத்தில் பிரசன்னா உள்பட ஒரு சில நடிகர்கள் வில்லனாக நடிக்க வாய்ப்பு இருப்பதாக கூறப்பட்ட போதிலும் அந்த தகவல்கள் எதுவும் உறுதி செய்யப்படவில்லை
இந்த நிலையில் பிரபல தெலுங்கு நடிகர் கார்த்திகேயா என்பவர் இந்த படத்தின் வில்லனாக நடிக்க ஒப்பந்தம் செய்யப்பட்டு இருப்பதாகவும் ’வலிமை’ படத்தின் அடுத்தகட்ட படப்பிடிப்பில் அவர் கலந்து கொள்ள இருப்பதாகவும் தகவல்கள் வெளிவந்துள்ளன. நடிகர் கார்த்திகேயா ஏற்கனவே ’ஆர்எஸ் 100’ என்ற தெலுங்கு படத்தில் முக்கிய வேடத்தில் நடித்திருந்தார் என்பது குறிப்பிடத்தக்கது.