`96` రిలీజ్ అప్పుడేనా?
- IndiaGlitz, [Saturday,October 26 2019]
త‌మిళంలో సూప‌ర్ డూప‌ర్ హిట్ట‌యిన ల‌వ్‌స్టోరీ '96'. ప్రేమ్‌కుమార్ తెర‌కెక్కించిన ఈ చిత్రంలో విజ‌య్ సేతుప‌తి, త్రిష న‌టించారు. ఇప్పుడు ఈ సినిమాను తెలుగులో దిల్‌రాజు రీమేక్ చేస్తున్నారు. శ‌ర్వానంద్‌, స‌మంత న‌టిస్తున్నారు. తెలుగులో ఈ చిత్రానికి 'జాను' అనే టైటిల్ ప‌రిశీల‌న‌లో ఉన్న‌ట్లు వార్త‌లు విన‌ప‌డుతున్నాయి. కాగా.. షూటింగ్ ప్రారంభంలో ఈ సినిమాను డిసెంబ‌ర్‌లో విడుద‌ల చేయాల‌ని అనుకున్న‌ట్లు వార్త‌లు వినిపించాయి కానీ.. ఇప్పుడు రిలీజ్ డేట్ మారింది. సినీ వ‌ర్గాల స‌మాచారం మేర‌కు 'జాను' చిత్రాన్ని ఫిబ్ర‌వ‌రి 14న వేలెంటెన్ డే రోజున విడుద‌ల చేసేలా నిర్మాత‌లు ప్లాన్ చేస్తున్నార‌ట.
ప్ర‌స్తుతం సినిమా చిత్రీక‌ర‌ణ‌లో తుది ద‌శ‌కు చేరుకుంది. ఇప్పటికే స‌మంత చిత్రీక‌ర‌ణ పూర్తి చేసుకుంది. శ‌ర్వానంద్‌పై చిత్రీక‌రించాల్సిన స‌న్నివేశాల‌ను చిత్రీక‌రిస్తున్నారు. త‌మిళంలో ఉన్న క‌థ‌నే తెర‌కెక్కించ‌కుండా, తెలుగు నెటివిటీకి త‌గ్గ‌ట్లు కొన్ని మార్పులు, చేర్పులు చేశారు. స్వ‌చ్ఛ‌మైన ప్రేమ‌క‌థాంశం చుట్టూ తిరిగే సినిమా కాబ‌ట్టి ప్రేమికుల దినోత్స‌వం రోజున సినిమాను విడుద‌ల చేస్తే బావుంటుంద‌ని నిర్మాత దిల్‌రాజు భావిస్తున్నాడ‌ట. త‌మిళంలో '96' చిత్రాన్ని తెర‌కెక్కించిన ద‌ర్శ‌కుడు ప్రేమ్‌కుమార్ తెలుగులోనూ డైరెక్ట్ చేశాడు.