சின்னத்திரை இசை நிகழ்ச்சிகளில் கலந்து கொண்டு தனது அபார திறமை மூலம் ஏராளமான ரசிகர்களை கொண்ட ராக் ஸ்டார் ரமணியம்மாள் காலமானார். அவருக்கு வயது 69

ஜீ தமிழ் தொலைக்காட்சியில் ’சரிகமபா’ என்ற நிகழ்ச்சியின் மூலம் பிரபலமானவர் ராக் ஸ்டார் ரமணி அம்மாள். இவர் நடுவர்கள், ரசிகர்கள் முன்னிலையில் தனது அபார இசைத்திறமையை வெளிப்படுத்தினார் என்பதும் அதனை அடுத்து அவர் ராக்ஸ்டார் என்ற அடைமொழியால் ரசிகர்களால் புகழப்பட்டார் என்பது குறிப்பிடத்தக்கது

எம்ஜிஆர் பாடல்களுக்கு மிகப்பெரிய ரசிகையான இவர் ஒரு சில திரைப்படங்களிலும் பாடியுள்ளார் என்பதும் குறிப்பாக விஜய் சேதுபதி நடித்த ’ஜுங்கா’ விஷால் நடித்த ’சண்டைக்கோழி 2’ சூர்யா நடித்த ’காப்பான்’ படங்களிலும் பாடியுள்ளார். மேலும் யோகி பாபு நடிப்பில் சமீபத்தில் வெளியான ’பொம்மை நாயகி’ படத்தில் இவர் பாடிய ஒரு பாடலையும் இவர் பாடியுள்ளார்

இந்த நிலையில் தொலைக்காட்சி நிகழ்ச்சியின் மூலம் பிரபலமான ராக் ஸ்டார் ரமணியம்மாள் திடீரென வயது முதிர்வு காரணமாக இன்று காலமானார். அவருடைய மறைவு ரசிகர்களை வெறும் அதிர்ச்சிக்கு உள்ளாக்கியுள்ளது.