చిరు ట్వీట్‌కు తెలంగాణ డీజీపీ ఇంట్రెస్టింగ్ రిప్లయ్
- IndiaGlitz, [Saturday,April 11 2020]
కరోనా మహమ్మారి విస్తరిస్తున్న నేపథ్యంలో దాన్ని నిర్మూలించడానికి వైద్యులు, పారిశుద్ధ్య కార్మికులు.. ఓ వైపు లాక్‌డౌన్‌ను పకడ్బందిగా అమలు చేస్తున్న పోలీసులపై ప్రముఖులు ప్రశంసల జల్లు కురిపిస్తు్న్నారు. తాజాగా టాలీవుడ్ మెగాస్టార్ చిరంజీవి ట్విట్టర్ వేదికగా పోలీసులను పొగడ్తలతో ముంచెత్తుతూ ఓ వీడియో షేర్ చేశారు. పోలీసుల పనితీరు అద్భుతంగా ఉందని.. వారివల్లే లాక్‌డౌన్‌ సక్సెస్‌ అయిందని చిరు చెప్పారు. అంతేకాదు.. నిద్రాహారాలు మాని ప్రజల కోసం కష్టపడుతున్నారని చిరు వీడియోలో తెలిపారు.
సెల్యూట్ చేస్తున్నా..
పోలీస్ చర్యలు, లాక్‌డౌన్‌ విజయవంతం వల్లే కరోనా అదుపులోకి వచ్చిందని.. కరోనా వైరస్‌ను తరిమికొట్టడంలో పోలీస్ సిబ్బందికి ప్రజలు సహకరించాలని చిరు కోరారు. ఈ సందర్భంగా తాను పోలీస్ బిడ్డనన్న విషయాన్ని చిరు మరోసారి గుర్తు చేశారు. ‘పోలీస్ డిపార్ట్‌మెంట్‌ చేస్తున్న సేవలకు.. ఒక పోలీస్ బిడ్డగా సెల్యూట్ చేస్తున్నా’ అని చిరంజీవి ఒకింత గర్వంగా వీడియోలో చెప్పారు. ఈ వీడియోను మెగాభిమానులు, పలువురు ప్రముఖులు పెద్ద ఎత్తున షేర్ చేశారు.
డీజీపీ ఇంట్రెస్టింగ్ రిప్లయ్..
చిరు వీడియోకు ట్విట్టర్ వేదికగా డీజీపీ మహేందర్ రెడ్డి స్పందించారు. ‘మీరు కేవలం మాకు మాత్రమే ప్రేరణ కలిగించలేదు.. కరోనాపై పోరాడుతున్న ప్రతి ఒక్కరికీ ప్రేరణ కలిగించారు. మీ నుంచి స్ఫూర్తిని పొందే ఎంతో మందిని మేల్కొలిపారు. ఒక పోలీసు కుటుంబం నుంచి వచ్చిన మీ నుంచి వచ్చిన మాటలు.. కరోనాపై పోరాటంలో మాకు ఎంతో స్ఫూర్తిదాయకంగా ఉంటాయి. మీ సందేశం ప్రతి ఒక్కరూ లాక్ డౌన్ నిబంధనలకు కట్టుబడి ఉండేలా చేస్తాయి’ అని డీజీపీ ఇంట్రెస్టింగ్‌గా ట్వీట్‌లో రాసుకొచ్చారు. వీరిద్దరి మధ్య జరిగిన ఈ సంభాషణ తాలుకూ ట్వీట్స్‌ను మెగాభిమానులు తెగ షేర్ చేస్తున్నారు.
You have not only inspired us, the entire force, but also awakened a wide audience, who gets inspired by you. Being a member from Police Family'' - it means a lot, would help us greatly, in this battle against #Covid19. Your words can surely let everyone stick to #LockDown. https://t.co/ovgj4HvdYT
— DGP TELANGANA POLICE (@TelanganaDGP) April 10, 2020