తెలంగాణ అసెంబ్లీలో బాహుబ‌లి..
- IndiaGlitz, [Tuesday,March 29 2016]
అసెంబ్లీ స‌మావేశాలు అంటే...రాజ‌కీయాలు త‌ప్ప మ‌రో అంశం గురించి ప్ర‌స్తావ‌నే ఉండ‌దు. ఇక సినిమాల గురించి ప్ర‌స్తావ‌న ఉండ‌నే ఉండ‌దు. ఒక‌వేళ సినిమాల గురించి చ‌ర్చించినా అది వివాద‌స్ప‌ద‌మే అవుతుంది. అలాంటిది ఈరోజు తెలంగాణ అసెంబ్లీలో జాతీయ ఉత్త‌మ చిత్రంగా బాహుబ‌లి ఎంపిక కావ‌డం గురించి స్పందిస్తూ...బాహుబ‌లి టీమ్ ని అభినందించింది.
ప్ర‌పంచ వ్యాప్తంగా సంచ‌ల‌నం సృష్టించిన బాహుబ‌లి చిత్రానికి జాతీయ ఉత్త‌మ చిత్రం అవార్డ్ రావ‌డం ప‌ట్ల తెలంగాణ ముఖ్య‌మంత్రి కెసిఆర్ ప్ర‌త్యేక అభినంద‌న‌లు తెలిపారు. అంతే కాదండోయ్...బాహుబ‌లికి అభినంద‌న‌లు తెలుపుతూ తెలంగాణ అసెంబ్లీ ఒక తీర్మాన్ని ఆమోదించింది. పార్టీల‌న్నీ బాహుబ‌లికి అభినంద‌న‌లు తెలియ‌చేయ‌డం విశేషం.