ముంబై కి తేజు
- IndiaGlitz, [Tuesday,January 29 2019]
ఇంత‌కు ముంబైకి తేజు ఎందుకు వెళ్తున్నాడ‌నుకుంటున్నారా? త‌ను హీరోగా న‌టిస్తున్న 'చిత్ర‌ల‌హ‌రి' సినిమా కోసం. మైత్రీ మూవీ మేక‌ర్స్ బ్యాన‌ర్‌ ఫై సాయిధ‌ర‌మ్ తేజ్ హీరోగా కిషోర్ తిరుమ‌ల ద‌ర్శ‌క‌త్వంలో తెర‌కెక్కుతోన్న‌సినిమా 'చిత్ర‌ల‌హ‌రి'. ఐదు పాత్ర‌ల ప్ర‌ధానంగా సాగే ఈ సినిమాలో క‌ల్యాణి ప్రియ‌ద‌ర్శ‌న్‌, నివేదా పేతురాజ్ హీరోయిన్స్‌గా న‌టిస్తున్నారు.
ఈ సినిమా హైద‌రాబాద్ షెడ్యూల్ సోమ‌వారానికి పూర్త‌య్యింది. త‌దుప‌రి షెడ్యూల్ ఫిబ్రవరి తొలి వారంలో ముంబైలో జ‌ర‌గ‌నుంది. రెండు వారాల పాటు జ‌రిగే ఈ షెడ్యూల్‌లో ప్ర‌ధాన తారాగ‌ణ‌మంతా న‌టించ‌బోతున్నారు. దీంతో మేజ‌ర్ టాకీ పార్ట్ పూర్త‌వుతుందని స‌మాచారం. సినిమాను ఏప్రిల్ 12న విడుదల చేయ‌డానికి నిర్మాత‌లు స‌న్నాహాలు చేస్తున్నారు.