మెగాస్టార్ మేన‌ల్లుడు సాయిధ‌ర‌మ్ తేజ్, మ‌న్నార చోప్రా, లెరిస్సా బొనేసి హీరో, హీరోయిన్స్ గా న‌టించిన చిత్రం తిక్క‌. ఈ చిత్రాన్ని ఓమ్ ఫేమ్ సునీల్ కుమార్ రెడ్డి తెర‌కెక్కించారు. సి.ఆర్.రొహిన్ కుమార్ రెడ్డి ఈ మూవీని నిర్మించారు. ఈ చిత్రంలో రాజేంద్ర‌ప్ర‌సాద్, పోసాని కృష్ణ‌ముర‌ళి, రావు రమేష్, అజ‌య్, వెన్నెల కిషోర్, తాగుబోతు ర‌మేష్, ముమైత్ ఖాన్ త‌దిత‌రులు ముఖ్య‌పాత్ర‌లు పోషించారు. త‌మ‌న్ మ్యూజిక్ అందించిన తిక్క ఆడియోను ఈనెల 30న శిల్ప‌క‌ళావేదిక‌లో గ్రాండ్ గా నిర్వ‌హించేందుకు ఏర్పాట్లు చేస్తున్నారు. ఈ ఆడియో వేడుక‌ను మా మ్యూజిక్ ప్ర‌త్య‌క్ష ప్ర‌సారం చేయ‌నుంది.

ఇక ఈ ఆడియో ఫంక్ష‌న్ హైలెట్స్ విష‌యానికి వ‌స్తే...ఈ కార్య‌క్రమానికి మెగా ప‌వ‌ర్ స్టార్ రామ్ చ‌ర‌ణ్ ముఖ్య అతిధిగా హాజ‌రు కానున్నారు. రామ్ చ‌ర‌ణ్ తో పాటు యంగ్ హీరోస్ & హీరోయిన్స్ కూడా రానున్నారు. మ్యూజిక్ డైరెక్ట‌ర్ త‌మ‌న్ స్టేజ్ పై చేసే లైవ్ ప‌ర్ ఫార్మెన్స్ విశేషంగా ఆకట్టుకునేలా ఉంటుంద‌ట‌. అలాగే ముంబాయి డ్యాన్స్ గ్రూపుచే మెగా ఫ్యాన్స్ బాగా ఎంజాయ్ చేసేలా మెగాఫ్యామిలీ హీరోల డ్యాన్స్ మెడ్లీ ఏర్పాటు చేయ‌డం విశేషం. తిక్క లో న‌టించిన న‌టీన‌టులు & సాంకేతిక నిపుణులు అంద‌రూ ఈ కార్య‌క్రమానికి హాజ‌రు కానున్నారు. ఆదిత్య మ్యూజిక్ ద్వారా ఈ ఆడియో మార్కెట్ లో రిలీజ్ అవుతుంది. ప్రేక్ష‌కాభిమానుల స‌మ‌క్షంలో ఘ‌నంగా జ‌రిగే ఈ కార్య‌క్ర‌మానికి సుమ వ్యాఖ్యాత‌గా వ్య‌వ‌హ‌రించ‌నుంది.