'తేజ్'... ఐ ల‌వ్ యు వాయిదా ప‌డ‌నుందా?
- IndiaGlitz, [Tuesday,June 12 2018]
ప్రేమ‌క‌థా చిత్రాల స్పెషలిస్ట్ ఎ.క‌రుణాక‌ర‌న్ ద‌ర్శ‌క‌త్వంలో రూపొందిన తాజా చిత్రం 'తేజ్'. ఐ ల‌వ్ యు ఉప‌శీర్షిక. సాయిధ‌ర‌మ్ తేజ్, అనుప‌మ ప‌ర‌మేశ్వ‌ర‌న్ జంట‌గా న‌టించిన ఈ సినిమాని ప్ర‌ముఖ నిర్మాణ సంస్థ క్రియేటివ్ క‌మ‌ర్షియ‌ల్స్ నిర్మించింది. గోపీసుంద‌ర్ సంగీత సార‌థ్యంలో రూపొందిన ఆడియో ఇటీవ‌లే మెగాస్టార్ చిరంజీవి చేతుల మీదుగా విడుద‌లైంది.
ఇదిలా ఉంటే.. మొద‌ట ఈ సినిమాని జూన్ 29న విడుద‌ల చేయాల‌ని చిత్ర బృందం ప్లాన్ చేసింది. తాజా స‌మాచారం ప్ర‌కారం.. జూలై 6కి ఈ సినిమా వాయిదా ప‌డే అవ‌కాశ‌ముంద‌ని తెలుస్తోంది. అయితే.. దీనిపై అధికారిక ప్ర‌క‌టన రావాల్సి ఉంది. గ‌త కొంత కాలంగా స‌రైన విజ‌యం లేని సాయిధ‌ర‌మ్ తేజ్‌కు.. ఈ చిత్ర విజ‌యం కీల‌కంగా మారింది.