அமெரிக்காவில் 16 வயதேயான இரண்டு இளம்பெண்கள் காரில் சென்று கொண்டிருந்தபோது திடீரென ஒரு வளைவில் அந்த கார் கவிழ்ந்தது. இதனை அடுத்து காரிலிருந்து வெளியே வர முடியாமல் அந்தப் பெண்கள் தவித்தனர். இந்த நிலையில் தங்களுடைய நிலை குறித்து அவர்கள் அருகில் உள்ள போலீசாருக்கு தகவல் அளித்து தங்களை காப்பாற்றும்படி கேட்டுக்கொண்டனர்.

இந்த நிலையில் போலீசார் வரும் வரை காருக்குள் போரடித்ததாலும் விபத்தின் பதட்டத்தை போக்குவதற்காகவும் அந்த இரண்டு பெண்கள் டிக் டாக் வீடியோ ஒன்றை காருக்குள்ளேயே இருந்து எடுத்து அதனை பதிவு டிக்டாக் செயலியில் பதிவு செய்தனர்

இந்த வீடியோ பயங்கர வைரலாகியுள்ளது. இருப்பினும் கார் விபத்துக்குள்ளான நேரத்திலும் டிக்டாக் வீடியோவா? உங்கள் அட்டகாசத்திற்கு ஒரு அளவே இல்லையா? என்று பலர் அந்த இரண்டு பெண்களை விமர்சனம் செய்து வருகின்றனர்

இதனையடுத்து விபத்து நடந்த பகுதிக்கு வந்த போலீசார் அந்த இரண்டு பெண்களையும் மீட்டு அவர்களிடம் விபத்து குறித்து விசாரணை செய்தனர்