17 வயது பள்ளி மாணவனுடன் குடித்தனம் நடத்திய ஆசிரியை.. போக்சோ சட்டத்தில் கைது.!
- IndiaGlitz, [Friday,December 22 2023]
17 வயது பள்ளி மாணவனை காதலித்து குடித்தனம் நடத்திய 28 வயது ஆங்கில ஆசிரியை கைது செய்யப்பட்டுள்ளது பரபரப்பை ஏற்படுத்தி உள்ளது
சென்னை அருகே தாழம்பூர் என்ற பகுதியில் ஆங்கில ஆசிரியராக 28 வயது ஹெப்சிகா என்பவர் பணிபுரிந்து வந்தார். அவருக்கும் அதே பள்ளியில் 11-வது வகுப்பு படிக்கும் மாணவருக்கும் இடையே காதல் மலர்ந்துள்ளதாகவும் இந்த விவகாரம் மாணவரின் பெற்றோருக்கு தெரிந்ததை அடுத்து ஆசிரியையை அவர்கள் கண்டித்ததாகவும் தெரிகிறது.
இதனை அடுத்து மாணவனுடன் பழக மாட்டேன் என எழுத்துப்பூர்வமாக உறுதி அளித்த ஆசிரியை, பள்ளிக்கு வேலைக்கு செல்வதையும் நிறுத்திவிட்டார். இந்த நிலையில் திடீரென மாணவனை காணவில்லை என அவரது பெற்றோர் புகார் அளித்த நிலையில் தனிப்படை அமைத்து மாணவனை தேடி வந்தனர்
விசாரணையில் ஆசிரியை ஹெப்சிகா மாணவனை கோவை அழைத்துச் சென்று குடித்தனம் நடத்தியதாக தெரிகிறது. இதனை அடுத்து மாணவனை மீட்ட காவல்துறையினர் ஆசிரியை ஹெப்சிகா மீது போக்சோ சட்டத்தின் கீழ் வழக்கு பதிவு செய்து விசாரணை நடத்தி வருகின்றனர்.