నారా రోహిత్ సినిమాలో నంద‌మూరి హీరో..
- IndiaGlitz, [Saturday,September 19 2015]
నారా రోహిత్ వినాయ‌క చ‌వితి రోజు రెండు సినిమాలు ప్రారంభించాడు. అందులో ఒక‌టి అస‌రాల శ్రీనివాస్ ద‌ర్శ‌క‌త్వంలో జ్యోఅచ్చుతానంద చిత్రం మ‌రొక‌టి నూత‌న ద‌ర్శ‌కుడు ప్ర‌దీప్ తెర‌కెక్కించే చిత్రం. అయితే నారా రోహిత్ హీరోగా ప్ర‌దీప్ తెర‌కెక్కించే చిత్రంలో నంద‌మూరి హీరో క‌నిపించ‌నున్నారు. ఇంత‌కీ ఎవ‌రా..నంద‌మూరి హీరో అనుకుంటున్నారా..? ఆయ‌నే నంద‌మూరి తార‌క‌ర‌త్న.
ర‌విబాబు ద‌ర్శ‌క‌త్వంలో తార‌క‌ర‌త్న అమ‌రావ‌తి సినిమాలో నెగిటివ్ రోల్ చేసాడు. ఆ పాత్ర‌కు గాను నంది అవార్డు కూడా ద‌క్కించుకున్నాడు. నెగిటివ్ రోల్ తో ఆక‌ట్టుకుని అవార్డు గెలుచుకున్న తార‌క‌ర‌త్న..నారా రోహిత్ సినిమాలో గెస్ట్ రోల్ లో క‌నిపించ‌నున్నారు. ఇంత‌కీ తార‌క‌ర‌త్న గెస్ట్ గా ఎలా క‌నిపించ‌నున్నార‌నేది తెలియాలంటే మ‌రి కొన్ని రోజులు ఆగాల్సిందే.