டாப்சியின் 'கேம் ஓவர்' ரிலீஸ் எப்போது?
- IndiaGlitz, [Friday,February 15 2019]
தனுஷ் நடித்த 'ஆடுகளம்' படத்தின் மூலம் அறிமுகமான நடிகை டாப்சி அதன் பின் அஜித்தின் 'ஆரம்பம்', ராகவா லாரன்சின் 'காஞ்சனா 2', ஐஸ்வர்யா தனுஷின் 'வை ராஜா வை' உள்பட ஒருசில தமிழ்ப்படங்களில் நடித்தார். அதன்பின் பாலிவுட்டுக்கு சென்ற டாப்சி, அங்கு பல வெற்றிப்படங்களில் நடித்து முன்னணி நடிகையானார்.
இந்த நிலையில் நீண்ட இடைவெளிக்கு பின் தற்போது தமிழில் 'கேம் ஓவர்' என்ற படத்தில் டாப்சி நடித்து வருகிறார். இந்த படத்தின் படப்பிடிப்பு முடிவடைந்த நிலையில் தற்போது இந்த படம் ஏப்ரலில் ரிலீஸ் ஆகும் என எதிர்பார்க்கப்படுகிறது.
இந்த படத்தில் பாதிக்கும் மேற்பட்ட காட்சிகளில் வீல்சேரில் உட்கார்ந்தே நடித்துள்ள டாப்சி, இந்த கேரக்டர் தனக்கு சவாலாக இருந்ததாகவும், இப்படி ஒரு நல்ல படத்தின் மூலம் மீண்டும் தமிழுக்கு திரும்பியதில் மகிழ்ச்சி என்றும் கூறியுள்ளார்.
டாப்சி, அனிஷ் குருவில்லா, வினோதினி வைத்தியநாதன் உள்பட பலர் நடித்துள்ள இந்த படத்தை அஸ்வின் சரவணன் இயக்கியுள்ளார். இவர் ஏற்கனவே நயன்தாரா நடித்த 'மாயா' என்ற த்ரில் படத்தை இயக்கியவர் என்பது குறிப்பிடத்தக்கது.