'பியார் பிரேமா காதல்', 'இஸ்பேட் ராஜாவும் இதயராணியும்' ஆகிய படங்களை அடுத்து பிக்பாஸ் புகழ் ஹரீஸ் கல்யாண் தற்போது நடித்து வரும் படம் 'தாராள பிரபு. விந்துதானம் குறித்த விழிப்புணர்ச்சியை கொண்ட கதையம்சம் கொண்ட இந்த படம் பாலிவுட்டில் சூப்பர் ஹிட்டான 'விக்கி டோனர்' என்ற படத்தின் தமிழ் ரீமேக் என்பதும், இந்த படத்தை பிரபல தெலுங்கு இயக்குனர் கிருஷ்ணா மாரிமுத்து என்பவர் இயக்கி வருகிறார் என்பதும் தெரிந்ததே

இந்நிலையில் இந்த படத்தில் ஹரிஷ் கல்யாண் ஜோடியாக நடிக்க தான்யா ஹோப் ஒப்பந்தம் செய்யப்பட்டுள்ளதாக தகவல்கள் வெளிவந்துள்ளது. இவர் சமீபத்தில் வெளியான அருண்விஜயின் சூப்பர் ஹிட் படமான 'தடம்' படத்தின் நாயகி என்பது குறிப்பிடத்தக்கது. இந்த படத்தில் விந்து தானம் குறித்த விழிப்புணர்வு ஏற்படுத்தும் மருத்துவர் வேடத்தில் நடிகர் விவேக் நடிக்க உள்ளார்

தற்போது ஹரிஷ் கல்யாண், 'தனுசு ராசி நேயர்களே' என்ற படத்தில் நடித்து வருகிறார். மேலும் இயக்குனர் சசி இயக்கவுள்ள ஒரு படத்திலும் அவர் நடிக்கவுள்ளார் என்பது குறிப்பிடத்தக்கது