హాలీవుడ్‌లో మీ టూ ఉద్య‌మం జోరుగా సాగుతున్న స‌మ‌యంలో సీనియ‌ర్ న‌టుడు నానా ప‌టేక‌ర్ సెట్స్‌లో త‌న‌ను ఇబ్బందుల‌కు గురి చేశాడ‌ని మీడియా ముందు చెప్పి.. మీ టూ ఉద్య‌మానికి తెర తీసిన న‌టి త‌ను శ్రీ ద‌త్తా. ఈ అమ్మ‌డు త‌దుప‌రి జ‌రిగిన ప‌రిణామాల‌పై కూడా ప‌లు మార్లు మీడియా ముందుకు వ‌చ్చింది.

మ‌ధ్య‌లో కామ్‌గా ఉండిపోయిన త‌ను శ్రీ ద‌త్తా మార్చి 8న అంత‌ర్జాతీయ మ‌హిళా దినోత్స‌వాన్ని పుర‌స్క‌రించుకుని `ఇన్‌స్పిరేష‌న్` అనే షార్ట్ ఫిలిం విడుద‌ల చేయ‌నుంది. ఆస‌క్తిక‌ర‌మైన విష‌య‌మేమంటే ఈ షార్ట్ ఫిలింకు త‌ను శ్రీనే మాట‌లు రాయడం.

యాక్టింగ్ మీద ప్యాష‌న్‌తో ఇండ‌స్ట్రీకి వ‌చ్చే కొత్త అమ్మాయిలు ఎదుర్కొనే లైంగిక ప‌ర‌మైన హారాష్‌మెంట్‌.. కొత్త‌వారికి స‌ల‌హాలు చెప్పేవారు లేక వాళ్లు ప‌డే ఇబ్బందులు అన్నింటినీ త‌న ఇన్‌స్పిరేష‌న్ షార్ట్ ఫిలింలో చూపించ‌నుంద‌ట త‌నుశ్రీద‌త్తా. మ‌రి ఈ షార్ట్ ఫిలిం బాలీవుడ్‌లో ఎలాంటి ప్ర‌కంప‌న‌లు క్రియేట్ చేయ‌నుందో చూడాలి.