దివ్యాంగురాలి కోసం ప‌రీక్ష రాసిన తనీశ్
- IndiaGlitz, [Thursday,December 20 2018]
స‌హాయం చేయాలంటే ఆర్ధికంగానే కాదు.. మ‌న‌సుంటే ఏదో ఒక రూపంలో స‌హాయం చేయ‌వ‌చ్చు . దీన్ని అక్ష‌రాలా పాటించాడు హీరో తనీశ్. ఓ దివ్యాంగురాలి కోసం ఆయ‌న ఎగ్జామ్ హాల్‌కి వెళ్లి ప‌రీక్ష రాశారు. ఈ విష‌యాన్ని ఆయ‌న ఫేస్‌బుక్ ద్వారా తెలియ‌జేశారు.
మ‌నం తీసుకునే మంచి నిర్ణ‌యాల వ‌ల్ల కొన్ని విష‌యాల‌ను నేర్చుకుంటాం. అలాగే చెడు నిర్ణ‌యాల వ‌ల్ల కూడా కొన్ని విష‌యాల‌ను నేర్చుకుంటాం. ఏదైమైనా నేర్చుకోవ‌డం ఆగ‌కూడ‌దు. నేను (చిన్న‌ప్పుడే సినిమాల్లోకి రావ‌డం) చేసిన ప‌ని కార‌ణంగా చ‌దువు మ‌ధ్య‌లోనే ఆపేశాను. నాగ‌మ‌ణి కోసం ప‌రీక్ష రాయ‌డానికి వ‌చ్చిన‌ప్పుడు ఆరోజుల‌న్నీ నాకు తిరిగి వ‌చ్చిన‌ట్లు అనిపించాయి.
మ‌న‌లో ఉన్న మిస్టేక్ మ‌న‌ల్ని ఆప‌కూడ‌ద‌ని ఆమెను నేను నేర్చుకున్నాను. ఆమె ముఖంలో న‌వ్వు చూసి మ‌న‌సులో తెలియ‌ని ఆనందం వేసింది. సంతృప్తిగా అనిపించింది. చేయాల‌నే ఆలోచ‌న ఉండే హృద‌యం ఉంటే అన్నీ క‌రెక్ట్‌గానే జ‌రుగుతాయి అంటూ త‌న అభిప్రాయాల‌ను తెలియ‌జేశారు తనీశ్.