நடிகர் சிவா நடிப்பில் சி.எஸ்.அமுதன் இயக்கிய 'தமிழ்ப்படம்' நல்ல வரவேற்பை பெற்ற நிலையில் இந்த படத்தின் இரண்டாம் பாகமான 'தமிழ்ப்படம் 2.0' திரைப்படம் தற்போது தயாராகி விரைவில் திரைக்கு வரவுள்ளது. இந்த படத்தின் டீசர் நேற்று வெளியாகி பெரும் பரபரப்பை ஏற்படுத்தியுள்ளது.

ஏற்கனவே முதல் பாகத்தில் கோலிவுட் பிரபலங்கள் நடித்த திரைப்படங்கள் கேலி செய்யப்பட்ட நிலையில் இந்த இரண்டாம் பாகமான 'தமிழ்ப்படம் '2.0' படத்தில் விஜய் நடித்த 'துப்பாக்கி', 'அஜித் நடித்த 'மங்காத்தா' மற்றும் விஜய்சேதுபதி நடித்த 'விக்ரம் வேதா' உள்பட பல திரைப்படங்கள் இந்த டீசரில் கலாய்க்கப்பட்டுள்ளது.

மேலும் சமீபத்தில் பிரபல அரசியல் கட்சி தலைவர் ஒருவர் கண்ணீருடன் பதவியேற்ற காட்சியையும் இந்த படத்தின் குழுவினர் விட்டுவைக்கவில்லை.

வரும் ஜூலை மாதம் வெளியாகும் இந்த படத்தில் சிவா, திஷா பாண்டே, ஐஸ்வர்யா மேனான், சதீஷ், சந்தானபாரதி, மனோபாலா, ஆர்.சுந்தர்ராஜான், நிழல்கள் ரவி உள்பட பலர் நடித்துள்ளனர். கண்ணன் இசையில், கோபி அமர்நாத் ஒளிப்பதிவில், சுரேஷ் படத்தொகுப்பில் உருவாகியுள்ள இந்த படத்தை ஒய்நாட் ஸ்டுடியோ நிறுவனம் தயாரித்துள்ளாது.