கோலிவுட் திரையுலகின் இளையதலைமுறை நடிகர்களில் ஒருவராகிய ஜெயம் ரவி நடித்த ’கோமாளி’ திரைப்படம் கடந்த ஆண்டு வெளியாகி நல்ல வெற்றி பெற்ற நிலையில் தற்போது அவர் மணிரத்னம் இயக்கிவரும் ’பொன்னியின் செல்வன்’ உள்பட 3 படங்களில் நடித்து வருகிறார்.

இந்த நிலையில் ஜெயம் ரவி நடித்து வரும் படங்களில் ஒன்றான ’பூமி’ திரைப்படத்தின் படப்பிடிப்பு லாக்டவுனுக்கு முன்னரே முடிவடைந்து தற்போது போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது. இந்த நிலையில் இந்த படத்தின் ஃபர்ஸ்ட் லுக், செகண்ட்லுக், மூன்றாவது லுக் போஸ்டர் மற்றும் டீசர் ஆகியவை ஏற்கனவே வெளிவந்து ரசிகர்கள் மத்தியில் நல்ல வரவேற்பை பெற்றது.

இந்த நிலையில் இந்த படத்தின் ஃபர்ஸ்ட் சிங்கிள் பாடல் ரிலீஸ் தேதியை இந்த படத்தின் இசையமைப்பாளர் டி.இமான் அவர்கள் தனது சமூக வலைத்தளத்தில் தெரிவித்துள்ளார். ’தமிழன் என்று சொல்லடா’ என்று தொடங்கும் இந்த பவர்புல் பாடல் செப்டம்பர் 10ஆம் தேதி வெளியாகும் என்று டி.இமான் அறிவித்துள்ளார்.

ஜெயம் ரவி ஜோடியாக நிதிஅகர்வால் நடித்துள்ள இந்த படத்தில் ரோனிட் ராய், சதீஷ், ராதாரவி, சரண்யா பொன்வண்ணன், தம்பி ராமையா உள்பட பலர் நடித்துள்ளனர். டட்லி ஒளிப்பதிவில் ஜான் ஆபிரகாம் படத்தொகுப்பில் உருவாகியுள்ள இந்த படத்தை இயக்குனர் லட்சுமண் இயக்கியுள்ளார். இவர் ஏற்கனவே ஜெயம் ரவி நடித்த ’ரோமியோ ஜூலியட்’ மற்றும் ’போகன்’ ஆகிய படங்களை இயக்கியவர் என்பது குறிப்பிடத்தக்கது.

1st Single #TamizhanEndruSollada -A Powerful Song frm @actor_jayamravi Starrer #Bhoomi Releasing On Sep10th! #தமிழன்என்றுசொல்லடா
An @immancomposer Musical @AgerwalNidhhi @dirlakshman @theHMMofficial @sujataa_hmm @actorsathish @dudlyraj @SonyMusicSouth @onlynikil
Praise God! pic.twitter.com/10kgRVqT1R

— D.IMMAN (@immancomposer) September 1, 2020