சென்னைக்கு குட்பை சொன்ன 'தமிழ்ப்படம் 2.0' படக்குழுவினர்
- IndiaGlitz, [Tuesday,February 20 2018]
இயக்குனர் சி.எஸ்.அமுதன் இயக்கத்தில் கடந்த 2010ஆம் ஆண்டு வெளிவந்த 'தமிழ்ப்படம்' நல்ல வரவேற்பை பெற்ற நிலையில் தற்போது இந்த படத்தின் இரண்டாம் பாகமான 'தமிழ்ப்படம் 2.0' படத்தின் படப்பிடிப்பு விறுவிறுப்பாக நடைபெற்று வருகிறது.
முதல் பாகத்தில் நடித்த சிவா, திஷா பாண்டே இந்த இரண்டாவது பாகத்திலும் நாயகன், நாயகியாக நடிக்க இவர்களுடன் ஐஸ்வர்யா மேனன், சந்தீஷ், சந்தானபாரதி, மனோபாலா, ஆர்.சுந்தர்ராஜன், நிழல்கள் ரவி, உள்பட பலர் நடித்து வருகின்றனர்.
இந்த நிலையில் இந்த படத்தின் படப்பிடிப்பு இதுவரை சென்னையில் நடைபெற்று வந்த நிலையில் அடுத்தகட்ட படப்பிடிப்புக்காக படக்குழுவினர் மலேசியாவுக்கு செல்லவுள்ளனர். இதுகுறித்து இயக்குனர் சி.எஸ்.அமுதன் தனது சமூக வலைத்தளத்தில் கூறியபோது, 'குட்பை சென்னை, ஹலோ மலேசியா' என்று குறிப்பிட்டு மலேசியாவில் படப்பிடிப்பு நடக்கவுள்ளதை உறுதி செய்துள்ளார். இந்த படம் வரும் மே மாதம் 1ஆம் தேதி ரிலீஸ் ஆகவுள்ளது.