தமிழிசை, எச்.ராஜா விக்கிபீடியா பக்கத்தில் கைவரிசை காட்டிய குசும்பர்கள்
- IndiaGlitz, [Monday,October 23 2017]
பிரபலங்களின் விவரங்களை அறியும் இணையதளம் விக்கிபீடியா என்பது அனைவரும் அறிந்ததே. ஆனால் அதே நேரத்தில் இந்த இணையதளத்தில் யாருடைய பிரபலத்தின் பக்கங்களிலும் யார் வேண்டுமானாலும் எடிட் செய்து தங்களுக்கு தெரிந்த தகவல்களை பதிவு செய்யலாம். அந்த தகவல்கள் தவறு என்று தெரிந்தால் விக்கிபீடியா அதை நீக்கிவிடும்
இந்த நிலையில் சமீபத்தில் தளபதி விஜய்யின் 'மெர்சல்' படம் குறித்து சர்ச்சைக்குரிய வகையில் விமர்சனம் செய்த பாஜக பிரமுகர்களான தமிழிசை செளந்திரராஜன் மற்றும் எச்.ராஜா அவர்களின் விக்கிபீடியா பக்கங்களில் சில குசும்பர்கள் புகுந்து விளையாடியுள்ளனர்.
தமிழிசையின் பெயரை டுமிழிசை என்று மாற்றியதோடு, அவர் பாஜகவின் அடிமை என்றும் பிறந்ததில் இருந்தே அவர் தலைசீவாத பரட்டை தலையை உடையவர் என்றும், இவர் குமரிமுத்துவின் மகள் என்றும் சில குசும்பர்கள் பதிவு செய்துள்ளனர்.
அதேபோல் எச்.ராஜாவின் விக்கிபீடியா பக்கத்தில் பாஜகவை சேர்ந்த இவர் மோடியின் வாழ்க்கைத்துணை என்றும், இவரது தந்தை பெயர் ஹரிஹர சர்மா என்றும், இவர் கடந்த 22ஆம் தேதி காலமாகிவிட்டதாகவும் குறிப்பிட்டுள்ளனர்.
அனேகமாக இந்த விபரங்களை விக்கிபீடியா விரைவில் டெலிட் செய்துவிடும், இருப்பினும் தமிழிசை, எச்.ராஜாவை பிடிக்காதவர்கள் இந்த குசும்பர்களின் சேட்டையை ரசித்து வருகின்றனர்.