தயாரிப்பாளர் சங்கத்தின் முக்கிய அறிவிப்பு
- IndiaGlitz, [Tuesday,June 20 2017]
தமிழ் திரைப்பட தயாரிப்பாளர் சங்க தேர்தலில் வெற்றி பெற்று தலைவர் பதவியை விஷால் பொறுப்பேற்று கொண்டதில் இருந்தே அவர் பல்வேறு அதிரடி நடவடிக்கைகளை தயாரிப்பாளர்களின் நன்மைக்காக எடுத்து வருகிறார். அவருடைய நடவடிக்கைகளுக்கு மிகப்பெரிய ஆதரவும், ஒருசில எதிர்ப்பும் இருந்து வருகிறது.
இந்த நிலையில் சற்று முன்னர் தயாரிப்பாளர் சங்க நிர்வாகிகளிடம் இருந்து அனைத்து தயாரிப்பாளர்களுக்கும் ஒரு சுற்றறிக்கை அனுப்பப்பட்டுள்ளது. அதில் கூறப்பட்டுள்ளதாவது:
தயாரிப்பாளர் முதலாளிகளுக்கு வணக்கம்! தற்போது சென்சார் ஆன்லைன் பதிவில் நிலவி வரும் குழப்பங்கள் மற்றும் அதனை சார்ந்த பிரச்சனைகளுக்கு தீர்வு காணும் வகையில், தாங்கள் சந்தித்து வரும் ஆன்லைன் பிரச்சனைகள் குறித்த பதிவுகள உடனடியாக நமது சங்க அலுவலகத்தில் பதிவு செய்ய வேண்டுமாய் அன்புடன் கேட்டுக்கொள்கிறோம்.
இவ்வாறு அந்த சுற்றறிக்கையில் கூறப்பட்டுள்ளது.