தமிழகத்தின் புதிய தலைமைச்செயலாளர் ஆன பெண் ஐஏஎஸ் அதிகாரி
- IndiaGlitz, [Thursday,December 22 2016]
தமிழகத்தின் தலைமைச்செயலாளர் ராம்மோகன்ராவ் வீட்டில் நேற்று விடிய விடிய வருமான வரித்துறையினர் சோதனை செய்து ஏராளமான பணம், நகைகள் மற்றும் ஆவணங்கள் கைப்பற்றப்பட்ட நிலையில் அவரது பதவியும் பறிக்கப்பட்டுள்ளது.
தலைமைச்செயலாளர் ஆக இருந்த ராம்மோகன்ராவ் அப்பதவியில் இருந்து நீக்கப்பட்டு துறை இல்லாத அதிகாரியாக உள்ளதாகவும், புதிய தலைமை செயலாளராக கிரிஜா வைத்தியநாதன் தேர்வு செய்யப்பட்டுள்ளதாகவும் செய்திகள் வெளிவந்துள்ளது.
1981ஆம் ஆண்டு ஐஏஎஸ் முடித்த கிரிஜா வைத்தியநாதன் தமிழக அரசில் பல்வேறு துறைகளிலும் பொறுப்பு வகித்தவர். தலைமைச்செயலாளராக பொறுப்பேற்றுள்ள இவர், இதற்கு முன் பார்த்து வந்த நிர்வாக சீர்திருத்த ஆணையர் பொறுப்பையும் கூடுதலாக கவனிப்பார் என்று கூறப்படுகிறது.