ரஜினி ஆதரவு டுவீட்டுக்கு தமிழிசை செளந்திரராஜன் அதிரடி பதில்
- IndiaGlitz, [Thursday,March 23 2017]
ஆர்.கே.நகர் பாரதிய ஜனதா கட்சியின் வேட்பாளர் கங்கை அமரன், சமீபத்தில் சூப்பர் ஸ்டார் ரஜினிகாந்த் அவர்களை மரியாதை நிமித்தமாக சந்தித்தார். அந்த சந்திப்பின்போது ஆர்.கே.நகர் தேர்தலில் கங்கை அமரன் வெற்றி பெற வாழ்த்தினார்
இதனால் ரஜினியின் ஆதரவு கங்கை அமரனுக்கே என்ற செய்தி பரவி வந்தது. இந்நிலையில் இன்று காலை ரஜினிகாந்த் தனது டுவிட்டரில் தான் யாருக்கும் ஆதரவு தெரிவிக்க போவதில்லை என்று கூறியுள்ளார்.
இதுகுறித்து இன்று பத்திரிகையாளர்கள் கேட்ட கேள்விக்கு பதிலளித்த தமிழக பாஜக தலைவர் தமிழிசை செளந்திரராஜன், ''ரஜினி கங்கை அமரனுக்கு வாழ்த்து கூறியுள்ளார். அதுபோதும். எங்கள் ஹீரோக்கள் மோடி மற்றும் அமித் ஷா தான்' என்று கூறினார்.
மேலும் ஆர்.கே.நகரில் கங்கை வெற்றி பெற்றால் 100 தாமரைகள் மலரும். மற்ற மாநிலங்களில் பா.ஜ.க பெற்ற வெற்றியின் தாக்கம் இங்கும் தொடரும். பா.ஜ.க. வெற்றி பெற்றால், ஆர்.கே.நகர் மோடியின் நேரடிப் பார்வைக்குச் செல்லும்' என்று கூறினார்.