அஜித் ரசிகர்கள் சிலர் நேற்று முன் தினம் தமிழக பாஜக தலைவர் தமிழிசை முன்னிலையில் பாஜகவில் இணைந்தனர். இந்த நிகழ்ச்சியில் பேசிய தமிழிசை, 'இனி அஜித் ரசிகர்கள் மோடி ரசிகர்களாகவும் மாறி மத்திய அரசின் திட்டங்களை பரப்ப வேண்டும் என்றும் தமிழகத்தில் தாமரை மலர அஜித் ரசிகர்கள் உதவுவார்கள் என்றும் நம்பிக்கை தெரிவித்தார்.

இதனையடுத்து அஜித்தும், அஜித் ரசிகர்களும் பாஜகவுக்கு ஆதரவு கொடுப்பார்கள் என்ற ரீதியில் அனைத்து ஊடகங்களிலும் செய்திகள் பரவின. ஆனால் இதற்கு முற்றுப்புள்ளி வைக்கும் வகையில் அஜித் நேற்று இரவு நீண்ட விளக்கமான, தெளிவான அறிக்கை ஒன்றை வெளியிட்டார். அஜித்தின் இந்த அறிக்கைக்கு பாராட்டுக்கள் குவிந்து வருகிறது.

இந்த நிலையில் அஜித்தின் இந்த அறிக்கை குறித்து கருத்து கூறிய தமிழிசை செளந்திரராஜன், 'பாஜகவில் இணைந்து கொள்ள அஜித்தை நாங்கள் அழைக்கவில்லை என்றும், அஜித் தனது அரசியல் நிலைப்பாட்டை தெளிவாக கூறியிருப்பது வரவேற்கத்தக்கது என்றும் கூறியுள்ளார்.