கைகோர்க்க விரும்பினால் கமலை வரவேற்போம்: தமிழிசை செளந்திரராஜன்
- IndiaGlitz, [Monday,November 27 2017]
உலக நாயகன் கமல்ஹாசன் அரசியல் கட்சி ஆரம்பிக்கவுள்ளது உறுதி என்ற நிலையில் அவருடன் கூட்டணி அமைக்க மாநில கட்சிகளும் தேசிய கட்சிகளும் முயற்சித்து வருகின்றன
இந்த நிலையில் சமீபத்தில் டெல்லியில் நடந்த நிகழ்ச்சி ஒன்றில் பேசிய கமல்ஹாசன், எந்த கட்சியுடனும் கொள்கை அடிப்படையிலும், தமிழகத்தில் மாற்றம் வேண்டும் என்ற கண்ணோட்டத்துடனும் கூட்டணி அமைக்க தயார் என்று கூறினார். ஆனால் அதே நேரத்தில் காங்கிரஸ் மற்றும் பாஜகவுடன் கூட்டணி இல்லை என்றும் அவர் திட்டவட்டமாக கூறிவிட்டார்.
இந்த நிலையில் சமீபத்தில் பேட்டியளித்த பாஜக தமிழக தலைவர் தமிழிசை செளந்திரராஜன், 'தமிழகத்தில் மாற்றம் வேண்டும் என்ற கண்ணோட்டத்தோடு, பாஜகவுடன் கமல் கைகோர்க்க விரும்பினால் அவரை வரவேற்போம்' என்று கூறியுள்ளார். பாஜகவின் அழைப்பை கமல் பரிசீலனை செய்வாரா? என்பதை பொறுத்திருந்து பார்ப்போம்