பிரதமர் மோடி ஆட்சியில் இந்தியா விண்வெளி துறையில் ராக்கெட்டுக்களை விட்டுக் கொண்டிருக்கும் நிலையில் தமிழக எதிர்க்கட்சிகள் இன்னும் பலூனை விட்டு கொண்டிருக்கின்றார்கள் என்று பாஜக தமிழக தலைவர் தமிழிசை செளந்திரராஜன் பேட்டி ஒன்றில் கூறியுள்ளார்

நேற்று பாரத பிரதமர் மோடி தமிழகத்திற்கு வருகை தந்தபோது திமுக உள்ளிட்ட எதிர்க்கட்சிகள் கருப்புக்கொடி ஆர்ப்பாட்டத்தை நடத்தினர். மேலும் பிரதமர் மோடி ஹெலிகாப்டரில் செல்லவுள்ளார் என்று வெளிவந்த செய்தியை அடுத்து ஆயிரக்கணக்கான கருப்பு நிற பலூன்கள் பறக்கவிடப்பட்டு மோடிக்கு தங்கள் எதிர்ப்பை எதிர்க்கட்சியினர் தெரிவித்தனர்

இந்த நிலையில் இதுகுறித்து தமிழக பாஜக தலைவர் தமிழிசை செளந்திரராஜன் கூறியபோது, 'புதிய இந்தியா ராக்கெட் விடுகிறது என்றும் ஆனால் தமிழகத்தில் இன்னும் பலூன் விடுகிறார்கள்  என்று கூறினார். மேலும் இதுபோன்று இன்னும் எதை செய்தாலும் மோடியின் பெருமையை குறைக்க முடியாது என்றும் மோடிக்கு எதிராக பணம் கொடுத்து ஹேஷ்டேக்கை போட்டுள்ளார்கள் என்றும் தமிழிசை கூறினார்.