நடைபெற்று முடிந்த ஐந்து மாநில சட்டமன்ற தேர்தல்களில் பாஜக ஒரு மாநிலத்தில் கூட ஆட்சி அமைக்க முடியவில்லை. குறிப்பாக பாஜகவின் கோட்டை என்று கூறப்பட்ட ராஜஸ்தான், மத்திய பிரதேசம் மற்ற்றும் சத்தீஷ்கர் ஆகிய மாநிலங்களில் காங்கிரஸ் கட்சியிடம் பாஜக ஆட்சியை பறிகொடுத்துள்ளது

இந்த தேர்தல் தோல்வியால் தொண்டர்கள் சோர்வடையாமல் இருக்க பாஜக தலைவர்கள் பல்வேறு சமாதானங்களை கூறி வருகின்றனர். இந்த நிலையில் ஐந்து மாநில தேர்தல் தோல்வியை ரஜினி படத்தின் வெற்றி தோல்வியுடன் தமிழக பாஜக தலைவர் தமிழிசை செளந்திரராஜன் ஒப்பிட்டு கருத்து தெரிவித்துள்ளார்.

ரஜினிகாந்த் நடிக்கும் ஒரு படம் ஓடாவிட்டாலும், இன்னொரு படம் வெற்றி பெறுவது போல், பாஜக இந்த தேர்தலில் தோல்வி அடைந்தாலும் அடுத்த தேர்தலில் மீண்டு வரும் என்று தமிழிசை குறிப்பிட்டுள்ளார். ரஜினியின் படங்களுடன் பாஜகவை ஒப்பிட்ட தமிழிசையின் கருத்துக்கு நெட்டிசன்கள் பல்வேறு கமெண்ட்டுக்களை நகைச்சுவையுடன் கூறி வருகின்றனர்.