'மெர்சலை அடுத்து விஸ்வரூபம் 2' படத்திற்கும் புரமோஷன் செய்யும் தமிழிசை-எச்.ராஜா
- IndiaGlitz, [Monday,November 06 2017]
தளபதி விஜய் நடித்த 'மெர்சல்' திரைப்படம் உலகம் முழுவதும் நல்ல வெற்றியை பெற்று அபார வசூலை குவித்ததற்கு தமிழக பாஜக தலைவர்கள் கொடுத்த இலவச விளம்பரம் ஒரு முக்கிய காரணம். இதை படக்குழுவினர்களே ஏற்று கொள்வார்கள். இந்த நிலையில் உதயநிதி ஸ்டாலின் உள்பட பலரும் தங்கள் படத்திற்கும் புரமோஷன் செய்யுங்கள் என்று தமிழக பாஜக தலைவர்களை கலாய்த்து வருகின்றனர்.
இந்த நிலையில் பாஜக தமிழக தலைவர் தமிழிசை செளந்திரராஜன், நேற்று பதிவு செய்த ஒரு டுவிட்டில், 'இந்துதீவிரவாதம் என்று கொளுத்திப்போடுவது சுயரூபமா? இல்லை விஸ்வரூபம் 2 புதுப்படம் ஓட வைக்க பொய் விஸ்வரூபமா? என்று கூறியுள்ளார்.
தமிழிசையின் இந்த கருத்துக்கு பதில் கூறியுள்ள பாஜகவின் தேசிய செயலாளர் எச்.ராஜா, 'முதுகெலும்பு இல்லாத, தொடை நடுங்கியின் பிதற்றல் அவ்வளவுதான். பி ஜே இவரின் கோழைத்தனத்தை தோலுரித்துக் காட்டிவிட்டார்' என்று கூறியுள்ளார்.
இந்த இரண்டு டுவீட்டுகளுக்கும் கமல் ரசிகர்கள் மீம்ஸ் மூலம் பதிலடி கொடுத்து வருகின்றனர். இந்த நிலையில் ஒரு ரசிகர், 'மெர்சல் படத்தை அடுத்து விஸ்வரூபம்2 பட புரொமோசனில் ராஜா, தமிழிசை ஈடுபட்டுள்ளனர்' என்று கலாய்த்துள்ளார்.