ரஜினி அரசியலுக்கு வருவாரா? தமிழருவிமணியன் பரபரப்பு பேட்டி
- IndiaGlitz, [Wednesday,December 02 2020]
சூப்பர் ஸ்டார் ரஜினிகாந்த் அவர்கள் சமீபத்தில் ரஜினி மக்கள் மன்றத்தின் நிர்வாகிகளுடன் கலந்து ஆலோசித்த நிலையில் விரைவில் அவர் அரசியலுக்கு வருவாரா? அல்லது உடல்நிலையை காரணம் காட்டி அரசியலுக்கு வராமல் ஆதரவு மட்டும் தெரிவிப்பாரா? என்ற கேள்வி எழுந்துள்ளது.
இந்த நிலையில் மிக விரைவில் ரஜினியிடமிருந்து இது குறித்து விரிவான அறிக்கை ஒன்று வெளியாகும் என்று எதிர்பார்க்கப்பட்டது. இந்த நிலையில் சற்று முன்னர் ரஜினியின் போயஸ் கார்டன் இல்லத்தில் தமிழருவி மணியன் அவரை சந்தித்து பேசினார்.
இந்த சந்திப்பின்போது ரஜினியின் அரசியல் வருகை குறித்து ஆலோசிக்கப்பட்டதாக கூறப்பட்டது. இந்த நிலையில் ரஜினியை சந்தித்து விட்டு வெளியே வந்த தமிழருவி மணியன் செய்தியாளர்களிடம் பேசியபோது, ‘ரஜினி அரசியலுக்கு வருவாரா என எனக்கு தெரியாது. உங்கள் உடல் நலனுக்கு ஊறு விளைவிக்காத வகையில் முடிவு எடுங்க என்று நான் சொன்னேன். உள்ளே பேசியதை மீடியாவில் சொல்ல முடியாது’ என்று தெரிவித்தார். இதனால் ரஜினி அரசியல் நிலவரம் குறித்த மர்மம் நீண்டுகொண்டே போகிறது.