ரஜினி-தமிழருவி மணியன் சந்திப்பு: அரசியல் கட்சி அறிவிக்கும் தேதி குறித்த தகவல்
- IndiaGlitz, [Friday,December 22 2017]
சூப்பர் ஸ்டார் ரஜினிகாந்த் இம்மாதம் 26ஆம் தேதி முதல் 31ஆம் தேதி வரை இரண்டாம் கட்ட ரசிகர்கள் சந்திப்பு நிகழ்ச்சியை திட்டமிட்டுள்ள நிலையில் சற்றுமுன்னர் அவரை அவரது அரசியல் ஆலோசகர் தமிழருவி மணியன் சந்தித்தார். இந்த சந்திப்புக்கு பின்னர் செய்தியாளர்களிடம் கூறிய தமிழருவி மணியன், டிசம்பர் 26 முதல் 31 வரையிலான நாள்களில் ஏதேனும் ஒரு நாளில் ஊடகங்களைச் சந்தித்து ரஜினியே அரசியல் வருகை குறித்த அறிவிப்பை வெளியிடவுள்ளதாகவும், ரஜினியின் அறிவிப்புக்கு முன்பாக ஊடகங்களிடம் தன்னால் எதையும் தெரிவிக்க இயலாது என்றும் கூறினார்
ஏற்கனவே ரஜினியின் சகோதரர் ரஜினி வரும் ஜனவரி மாதம் அரசியல் அறிவிப்பு குறித்த அறிவிப்பை வெளியிடுவார் என்று கூறிய நிலையில் தற்போது தமிழருவி மணியன் அவர்களும் கிட்டத்தட்ட அதே கருத்தை கூறியுள்ளார்
எனவே இந்த முறை ரஜினி தனது ரசிகர்களையும் பொதுமக்களையும் ஏமாற்றாமல் அரசியல் குறித்த அறிவிப்பை வெளியிடுவார் என்று எதிர்பார்க்கப்படுகிறது. இருப்பினும் என்ன நடக்க போகிறது என்பதை வரும் 31ஆம் தேதி வரை பொறுமை காப்போம்