கமலுடன் கூட்டணி பேச்சுவார்த்தை நடத்தும் அரசியல் கட்சி தலைவர்
- IndiaGlitz, [Monday,March 18 2019]
வரும் நாடாளுமன்ற தேர்தலில் போட்டியிட கூட்டணி, வேட்பாளர்களை அறிவித்து அதிமுக, திமுக ஆகிய இரண்டு திராவிட கட்சிகளும் ஜெட் வேகத்தில் சென்று கொண்டிருக்கும் நிலையில் மற்ற கட்சிகள் இன்னும் வேட்பாளர்களையே அறிவிக்கவில்லை.
இந்த நிலையில் கமல்ஹாசன் கட்சியான மக்கள் நீதி மய்யம் கட்சி தனித்து போட்டி என்ற முடிவை எடுத்து, வேட்பாளர்கள் தேர்வில் தீவிர கவனம் செலுத்தி வருகின்றது. 40 மக்களவை தொகுதிக்கும், 18 சட்டமன்ற இடைத்தேர்தலுக்கும் வரும் 20ஆம் தேதி கமல்ஹாசன் வேட்பாளர்களை அறிவிக்கவுள்ளார்.
இந்த நிலையில் சற்றுமுன் இந்திய குடியரசு கட்சி தலைவர் திரு செ.கு.தமிழரசன் மக்கள் நீதி மய்ய கட்சி தலைவர் கமல்ஹாசனை சந்தித்து கூட்டணி பேச்சுவார்த்தை நடத்தி வருவதாக செய்திகள் வெளிவந்துள்ளது. கமல் கட்சியுடன் இந்திய குடியரசு கட்சி வரும் தேர்தலில் கைகோர்க்குமா? என்பதை பொறுத்திருந்து பார்ப்போம்