உலகநாயகன் கமல்ஹாசன் நடித்த 'பாபநாசம்', சூப்பர் ஸ்டார் ரஜினிகாந்த் நடித்த '2.0' உள்பட பல திரைப்படங்களுக்கு திரைக்கதை, வசனம் எழுதியவர் பிரபல எழுத்தாளர் ஜெயமோகன். இவர் தற்போது விஜய் நடிப்பில் முருகதாஸ் இயக்கத்தில் உருவாகி வரும் 'தளபதி 62' படத்தில் இணைந்துள்ளார்.

தளபதி 62' திரைப்படத்தின் படப்பிடிப்பு தற்போது ஈசிஆர் அருகே பிரமாண்டமான படகுகளுடன் கூடிய அரங்கில் நடைபெற்று வருகிறது., இந்த நிலையில் இந்த படத்தில் மீனவர்களின் பிரச்சனைகள் குறித்த கூர்மையான வசனங்கள் தேவை என்பதால், மீனவர்களின் வாழ்க்கை முறைகளை நன்கு அறிந்த நாகர்கோவிலை சேர்ந்த எழுத்தாளர் ஜெயமோகன் இந்த படத்தின் வசனகர்த்தாவாக இணைக்கப்பட்டுள்ளார். இதனால் இந்த படத்தின் வசனங்கள் மண்ணின் மணத்துடன் இருக்கும் என்று எதிர்பார்க்கப்படுகிறது.

விஜய், கீர்த்தி சுரேஷ், யோகிபாபு, உள்பட பலர் நடித்து வரும் இந்த படத்திற்கு ஏ.ஆர்.ரஹ்மான் இசையமைத்து வருகிறார். இந்த படத்தை பிரமாண்டமாக சன்பிக்சர்ஸ் நிறுவனம் தயாரித்து வருகிறது.