விஜய் தேவரகொண்டாவின் அடுத்த படத்தை இயக்கும் தமிழ் எழுத்தாளர்
- IndiaGlitz, [Wednesday,March 13 2019]
கல்கி, பாலகுமாரன், சுஜாதா முதல் எஸ்.ராமகிருஷ்ணன் வரை பல தமிழ் எழுத்தாளர்கள் திரையுலகிலும் ஜொலித்து வந்த நிலையில் அந்த வரிசையில் தற்போது தமிழ் எழுத்தாளர் ஆனந்த் அண்ணாமலை என்பவர் ஒரு திரைப்படத்தை இயக்கவுள்ளார். இவர் ஏற்கனவே 'காக்கா முட்டை', குற்றமே தண்டனை போன்ற படங்களுக்கு திரைக்கதை, வசனம் எழுதியுள்ளார் என்பது குறிப்பிடத்தக்கது
எழுத்தாளர் ஆனந்த் அண்ணாமலை இயக்கும் முதல் படத்திற்கு 'ஹீரோ' என்ற டைட்டில் வைக்கப்பட்டுள்ளது. 'நோட்டா' புகழ் விஜய் தேவரகொண்டா நடிக்கும் இந்த படம் தமிழ், தெலுங்கு, கன்னடம் மற்றும் மலையாளம் என நான்கு மொழிகளில் உருவாகவுள்ளது.
இப்படத்தின் படப்பிடிப்பு வரும் ஏப்ரல் 22 ஆம் தேதி புதுதில்லியில் ஆரம்பமாகவுள்ளது. இந்த படத்தில் விஜய் தேவரகொண்டா ஜோடியாக 'பேட்ட' படத்தில் நடித்த மாளவிகா மோகனன் நடிக்கிறார்.
'காலா', 'கபாலி' புகழ் முரளி ஒளிப்பதிவு செய்யும் இந்த படதில் நடிக்கும் மற்ற நடிகர், நடிகைகள் மற்றும் தொழில்நுட்ப கலைஞர்களின் பட்டியல் விரைவில் வெளியாகவுள்ளது.