இணையத்தில் '2.0': தமிழ் ராக்கர்ஸ் விளக்கம்
- IndiaGlitz, [Saturday,November 10 2018]
தளபதி விஜய் நடித்த 'சர்கார்' திரைப்படத்தை வெளியான அன்று மாலையே டிஜிட்டல் பிரிண்டை வெளியிடுவோம் என்று அறிவித்து அதன்படியே படத்தை வெளியிட்டு சவாலை நிறைவேற்றியது தமிழ் ராக்கர்ஸ். தயாரிப்பாளர் சங்கம், நடிகர் சங்கம், காவல்துறை, நீதிமன்ற உத்தரவு ஆகியவற்றையும் மீறி 'சர்கார்' படம் இணையத்தில் வெளியானது அனைவரையும் அதிர்ச்சிக்குள்ளாக்கியது.
இந்த நிலையில் நேற்று தமிழ் ராக்கர்ஸ் டுவிட்டர் பக்கத்தில் '2.0' படத்தையும் விரைவில் வெளியிடுவோம் என்று அறிவித்துள்ளது. இதனால் '2.0 படக்குழுவினர் அதிர்ச்சியில் உள்ளனர்.
இந்த நிலையில் இந்த அறிவிப்பு குறித்து தமிழ்ராக்கர்ஸ் விளக்கம் அளித்துள்ளது. தங்களுக்கு டுவிட்டர் உள்பட எந்தவித சமூக வலைத்தளங்களிலும் கணக்கு இல்லை என்றும், தங்கள் கணக்கில் உருவாக்கப்பட்ட போலி பக்கங்களில் சில வதந்திகள் பரவி வருவதாகவும் அறிவித்துள்ளது.