தமிழ்ராக்கர்ஸ்-தமிழ்கன் அட்மின் படங்களை வெளியிட்ட தயாரிப்பாளர் சங்கம்
- IndiaGlitz, [Sunday,September 17 2017]
தயாரிப்பாளர் சங்கத்தின் தலைவராக விஷால் பொறுப்பேற்றதில் இருந்தே ஆன்லைன் பைரஸியை ஒழிக்க அவர் எடுத்து வரும் ஆக்கபூர்வமான நடவடிக்கை அனைவரும் அறிந்ததே. அவருடைய ஐடி டீமின் முயற்சியாலும், காவல்துறையின் ஒத்துழைப்பாலும் சமீபத்தில் தமிழ்கன் இணையதளத்தின் அட்மின்களில் ஒருவராகிய கெளரிசங்கர் கைது செய்யப்பட்டது தெரிந்ததே
இந்த நிலையில் தமிழ் ராக்கர்ஸ் அட்மின்களில் ஒருவரான அரவிந்த் லோகேஸ்வரன் மற்றும் தமிழ்கன் அட்மின்களில் ஒருவரான டிக்சன் ஆறுமுகசாமி என்பதையும் தயாரிப்பாளர் சங்கத்தின் ஐடி டீம் கண்டுபிடித்துள்ளது. இவர்களுடைய புகைப்படத்தை வெளியிட்டுள்ள தயாரிப்பாளர்கள் சங்கம், இவர்கள் குறித்த தகவல் அளித்தால் தக்க சன்மானம் வழங்கப்படும் என்றும் அறிவித்துள்ளது.
மேலும் இவர்கள் இருவருமே சமீபத்தில் சுவிட்சர்லாந்து மற்றும் பிரிட்டனில் நடமாடியதாகவும் தகவல் தெரிவிக்கப்பட்டுள்ளது. எனவே திரையுலகினர்களை அச்சுறுத்தி வரும் ஆன்லைன் பைரஸியை ஒழிக்க மேற்கண்ட இந்த இரண்டு நபர்களையும் பிடித்து நடவடிக்கை எடுக்க வேண்டியது அவசியமாகிறது. எனவே இந்த இரண்டு நபர்களை பார்த்தால் உடனே தமிழ் திரைப்பட தயாரிப்பாளர்கள் சங்கத்திற்கு தகவல் அளிக்கும்படி கேட்டுக்கொள்ளப்படுகிறது.