தமிழ் திரைப்பட உலகில் ’தமிழ் படம்’ ’தமிழ் படம் 2’ போன்ற படங்களை இயக்கிய இயக்குனர் சி.எஸ்.அமுதன் தனது சமூக வலைத்தளத்தில் பல அதிரடி சலுகைகளை அறிவித்துள்ளது பெரும் பரபரப்பை ஏற்படுத்தி உள்ளது.

இயக்குனர் சி.எஸ்.அமுதன் தனது சமூக வலைத்தளத்தில் ஒரு புகைப்படத்தை பதிவு செய்துள்ளார். அதில் சிவா ஏர்போர்ட், சிவா பிணக்கிடங்கு, சிவா ரயில் நிலையம், சிவா சிறைச்சாலை, சிவா கடற்கரை, சிவா மின்சார வாரியம் ஆகிய படங்களை பதிவு செய்து, இவையெல்லாம் எனது எதிர்கால திட்டங்கள் என்றும், இந்த திட்டத்தில் மாணவர்கள், தன்னார்வ தொண்டு நிறுவனங்கள் மட்டும் தகுதியான இளம் பத்திரிக்கையாளர்கள் ஆகியோர்களுக்கு சலுகை வழங்க முடிவு செய்துள்ளேன் குறைந்த இடங்களே இருப்பதால் முந்துங்கள் என்றும் அவர் அறிவித்துள்ளார்.

சி.எஸ்.அமுதனின் கேலியும் கிண்டலுமான இந்த புகைப்படம் குறித்த டுவிட்டுக்கு நெட்டிசன்கள் தங்கள் பாணியில் கமெண்ட்டுகளை பதிவு செய்து வருகின்றனர். கொரோனாவால் பாதிக்கப்பட்ட ஏழை எளிய மக்களுக்காக மத்திய அரசு பல்வேறு திட்டங்களை தற்போது அறிவித்துக் கொண்டிருக்கும் நிலையில் இயக்குனர் சிஎஸ் அமுதன் இந்த அறிவிப்புகளை வெளியிட்டுள்ளார் என்பது குறிப்பிடத்தக்கது.

I have decided to give discounts to students, NGOs & deserving young journalists in my Prophecy Program. Limited seats available. pic.twitter.com/5ko9YOFDiK

— CS Amudhan (@csamudhan) May 17, 2020