வனிதா தாக்கப்பட்ட விவகாரம்.. தாமாக முன்வந்து விசாரிக்கும் காவல்துறை..
- IndiaGlitz, [Sunday,November 26 2023]
நடிகை வனிதா நேற்று நள்ளிரவு மர்ம நபர்களால் தாக்கப்பட்டார் என்று தனது சமூக வலைத்தளத்தில் குறிப்பிட்டிருந்த நிலையில் தன்னை தாக்கியவர் பிரதீப் ஆதரவாளராக இருக்கலாம் என்று கூறியிருந்தார். இதற்கு பிரதீப் ஆதரவாளர்கள் கடும் கண்டனம் தெரிவித்ததோடு காவல்துறையில் புகார் அளித்தால் தாக்கப்பட்டவர் யார் என்பது தெரிந்துவிடும் என்றும் நீங்கள் உடனே புகார் அளிக்க வேண்டும் என்றும் கூறுகின்றனர்.
ஆனால் வனிதா, தனது சமூக வலைத்தளத்தில் காவல்துறையில் புகார் அளிக்க விரும்பவில்லை என்றும் அவர்களது நடவடிக்கையில் தனக்கு நம்பிக்கை இல்லை என்றும் தெரிவித்திருந்தார். இதனை அடுத்து பிரதீப் ஆதரவாளர் தான் உங்களை தாக்கினார்கள் என்று எப்படி நீங்கள் சொல்லலாம்? வேறு யாராவது கூட தாக்கி இருக்கலாம் என்று கூறியதோடு தமிழ்நாடு காவல்துறைக்கு டேக் செய்தனர்.
இந்த நிலையில் தமிழ்நாடு காவல்துறை இதுகுறித்து தாமாக முன்வந்து விசாரிக்க முன்வந்துள்ளது. சம்பவம் நடந்த லொகேஷனை தங்களுக்கு அனுப்புமாறும் அந்த பகுதியில் உள்ள சிசிடிவி காட்சிகளை ஆய்வு செய்தால் வனிதாவை தாக்கியது யார் என்று தெரிந்துவிடும் என்றும் காவல்துறை தெரிவித்துள்ளது.
இதையடுத்து தமிழக காவல்துறை தாமாக இந்த விவகாரத்தில் நடவடிக்கை எடுத்துள்ளதால் வனிதாவை தாக்கியது பிரதீப் ஆதரவாளரா? அல்லது வேறு நபர்களா? என்பது தெரிந்துவிடும் என்பது குறிப்பிடத்தக்கது.