தமிழக சுகாதாரத்துறை செயலாளர் ராதாகிருஷ்ணனின் மனைவி, மகன், மாமனார் உள்ளிட்ட நான்கு பேருக்கு கொரோனா தொற்று உறுதி செய்யப்பட்டு உள்ளதாக வெளிவந்த செய்தி பெரும் பரபரப்பை ஏற்படுத்தியுள்ளது

தமிழக சுகாதாரத்துறை செயலாளர் மற்றும் கொரோனா சிறப்பு அதிகாரியான ராதாகிருஷ்ணன் அவர்களின் மனைவி, மகன், மாமனார், மாமியார் ஆகிய நால்வருக்கும் கொரோனா பாசிட்டிவ் என்று உறுதி செய்யப்பட்டிருப்பதாகவும் இதனையடுத்து நால்வரும் கிங்ஸ் கொரோனா மருத்துவமனையில் சிகிச்சை பெற்று வருவதாகவும் செய்திகள் வெளிவந்துள்ளது.

மேலும் தனக்கு கொரோனா வைரஸ் பாதிப்பு இல்லை என்றாலும், தன்னுடைய குடும்பத்தினர்களுக்கு கொரோனா வைரஸ் பாதிப்பு உள்ளதால் தன்னை தானே தனிமைப்படுத்தி கொண்டதாகவும் தமிழக சுகாதாரத்துறை செயலாளர் ராதாகிருஷ்ணன் தனது சமூகவலைத்தளத்தில் தெரிவித்துள்ளார். தமிழக சுகாதாரத்துறை செயலாளரின் குடும்பத்தினர்களுக்கே கொரோனா பாதிப்பு ஏற்பட்டுள்ளது பெரும் பரபரப்பை ஏற்படுத்தியுள்ளது