மும்பையில் இருந்து கிளம்பினார் ஆளுனர். சென்னை விமான நிலையத்தில் முதல்வருடன் சந்திப்பா?
- IndiaGlitz, [Thursday,February 09 2017]
தமிழக பொறுப்பு ஆளுனர் வித்யாசாகர் ராவ் மும்பையில் உள்ள தனது வீட்டில் இருந்து சென்னைக்கு சற்று முன்னர் கிளம்பினார். அவர் இன்று பிற்பகல் 3மணிக்கு சென்னை விமான நிலையத்தை வந்தடைவார் என்று எதிர்பார்க்கப்படுகிறது.
இந்நிலையில் முதல்வர் என்ற முறையில் சென்னை விமான நிலையத்தில் கவர்னரை வரவேற்க ஓபிஎஸ் செல்லவுள்ளதாகவும், விமான நிலையத்திலேயே அவர் கவர்னருடன் முக்கிய பேச்சுவார்த்தை நடத்தவுள்ளதாகவும் செய்திகள் வெளிவந்துள்ளது.
இந்நிலையில் ஆளுனர் சென்னை வந்தவுடன் அதிமுக எம்.எல்.ஏக்களுடன் சசிகலா அவரை நேரில் சந்தித்து ஆட்சி அமைக்க உரிமை கோருவார் என்று எதிர்பார்க்கப்படுகிறது.
எனவே இறுதிமுடிவு எடுக்கும் பொறுப்பு கவர்னரின் கையில் உள்ளதால் இன்னும் ஒருசில மணி நேரங்களில் தமிழக அரசியல் பெரும் பரபரப்பை எட்டும் என்று கூறப்படுகிறது.