క‌మ‌ల్ హాస‌న్ తాజా చిత్రం శ‌భాష్ నాయుడు. తెలుగు, త‌మిళ్‌, హిందీ భాష‌ల్లో రూపొందుతున్న ఈ చిత్రాన్ని మ‌ల‌యాళ ద‌ర్శ‌కుడు టి.కె. రాజీవ్ కుమార్ తెర‌కెక్కిస్తున్నారు. ఈ చిత్రంలో క‌మ‌ల్ కుమార్తె గా శృతిహాస‌న్ న‌టిస్తుండ‌డం విశేషం. చెన్నైలో ఈ చిత్రం ప్రారంభ‌మైంది.

ఈ సంద‌ర్భంగా ఏర్పాటు చేసిన మీడియా మీట్ లో క‌మ‌ల్ మాట్లాడుతూ... మే 14 నుంచి అమెరికాలోని లాస్‌ఏంజెల్స్‌లో రెగ్యులర్ షూటింగ్‌ను ప్రారంభిస్తున్నాం అని తెలియ‌చేసారు. అయితే... మే నెల 16న తమిళనాడులో శాసనసభ ఎన్నికలు జరగనున్నాయి కదా... మీరు ఓటు హక్కు వినియోగించుకోరా? అని అడిగిన ప్ర‌శ్న‌కు క‌మ‌ల్ స్పందిస్తూ... నేను ఓటు వేయను. కారణం ఏమిటంటే... ఓట‌ర్ లిస్ట్ లో నా పేరు లేదు. గత పార్లమెంటు ఎన్నికల్లో ఓటు వేయాలని వెళితే అప్పటికే నా ఓటును ఎవ‌రో వేసేసార‌ని చెప్పారు, ఈ సారైనా ఓటు హక్కును వినియోగించుకోవాలి అనుకుంటే ఓటర్ లిస్ట్ లో నా పేరే లేదు. ఎన్నికల కమిషనర్ నాకు మంచి మిత్రుడే అయినా ఏమి చేస్తాం అంటూ ఓటు ఎందుకు వేయ‌డం లేదో చెప్పారు క‌మ‌ల్.